Berlin Part 2

Ok welcome back.

Eis vo de gröschte Spässli heimer o denn erläbt womer gar nid sooo i stimmig si gsi. Mir si irgendwie chli müed/glängwilet/was o immer gsi u i ha di geniali idee gha, dasmer chönnte es Mass ga trinke. (Bierlexikon für Anfänger. 1 Mass = 1 Liter Bier=1litre de bière=1 GROSSES pivo)

Das hei mir gmacht inere chli türere Beiz am Ku'damm u es isch nid lang gange, simer nüm so agspannt gsi u ds ganze isch langsam wider so worde wimers gärn hei.

Nachem füre Jugendschutz absolut unbedänkleche Konsum vo däm feine Gerstengetränk simer entsprächend guet glunet id KaDeWe gange aka Kaufhaus des Westens. Niemer häts dänkt aber i ha dert sogar no schnäu ä flüchtigi bekannti troffe. Mä gseht üs bi üsem Begrüessigsritual ufem nächschte pic. :-D

mir hei sogar no meh prominänz troffe! bim usega het der gemperli doch tatsächlech schnäu es wort mitem papst himself gwächslet u mir hei sogar es föteli mit ihm dörfe mache!

Eh ja. Ds natürlech total ärnscht gmeinte Fazit vo däm Abe isch: Alkohol ist gut und soll immer dann eingesetzt werden, wenn die Stimmung nachlässt, es können sich viele lustige Ereignisse ergeben.

greez

I'm back in the game now!!!!

Ladies and gentz...

o mi blog begrüesst öich im nöie jahr. u zwar mit fette homestories. i möcht grad mau afa mitem david g. u fabian b. wo im dezember ä chline trip uf berlin hei gä.

BERLIN

I wot hie niemer längwile, drum verzeui öich nid die ganzi gschicht, nur es paar usschnitte. Ds isch z brandeburger Tor. kei ahnig wiso dass ds hie umesteit mir heis eifach gfötelet.

Ä rächt fetti Berliner homestory isch d begägnig mit zwene zimleche spassvögu womer am Ku'damm hei troffe. es si bodeleger gsi oder so u hei dert ihres bierli trunke. (in berlin erkenntme die einheimischen dadrann, dass si am abe es bierfläschli mit sich umeträge)

Vo dene beide manne hei mir wisheite glehrt wie "Wer raucht der fickt.", "Was, Ihr seid Schweizer? Wir ham vier Tage gefeiert als ihr gewonnen habt gegen die Türken. Zwei für euch, zwei gegen die Türken." und "Die darfste nich fragen obse aus Kreuzberg kommt. Wilmersdorf ist gut und Steglitz is auch ok aber aus Kreuzberg da kommen nur Assis!"

Ja mä gseht, mir hei würklech Wisheite fürz läbe chönne mitnä vo dene beidne.

Örtliche Gepflogenheiten

Mä seit ja gäng dasme sich söu apasse weme im Usland isch. Genau das hei mir gmacht u üs usschliesslech vo Fast Food u Bier ernährt. (mä cha gar nid angers we ä döner 2.20 u es grosses Bier 1.50 Euro choschtet oder?)

D Dönerbudene dert hei übrigens 24h pro tag offe. Der Gemp-stylaa hets mau gnauer wöue wüsse u het nachegfragt. Zitat Achmed vom Dönerlade: "Ladenöffnunggszeite? Was das?"

Leider chani pro Post nume 3 Biuder ufelade u fürz nächschte chapter vo üsem trip bruchi Platz. Drum bitte obedrann witerläse.

Peace out